آمال حلمي ذابله يا حلم عمري بفتديك = ما عاد لكـ ورقـ(ن )خضر وجروح قلبي تستباح
ليت الأمل يا ذا الحلم لا من بغيته يحتويكـ = لا من تحقق حلمنــــا ارتاح قلبي واستراح
أنا تحديت الزمن غدر الليالي ما يجيكـ = وأثر المصيبه من وفى ينصاب قلبه بالجراح
دامت حماة المحتمي يا كود طعنات الركيكـ = النايفات اللي ترى معظهما عزّم بالـرواح
أمشي دروبي بالرفق في ليل ظلماته حليك = وأرقى على رآس الجبل واسمع صدانا فالصباح
ما ظنتي فـ آخر مدى أقدر بطيبي أستبيكـ = وأنا على وضح النقى زيّنت صدري بالوشاح
هذي حياتي يا حلم ما بين صوطات العريكـ = كني على مر الطعم مثل البروق اللي تلاح
ماني من اللي فـ الأسى بأدنى علومه يبتليكـ = وإذا الكرامه روّحت معناته إن الرجل بـاح
يا حلم عمري طالبكـ في وسط داري وبنتخيكـ = أما تجيب الراويه ولا قصيدي منكـ صـاح
فيكـ الأمل يا ربنا مــــــــا خاب منهو يرتجيكـ = يالله تحقق حلمنا وتكفيه ضربات الرماح